19-04-2024 11:53:07 ეკონომიკა
იანვარ-მარტში საქართველოდან განხორციელებული საქონლის ექსპორტის მოცულობამ (არადეკლარირებული ექსპორტის გარეშე) 1 მილიარდ 326 მილიონი დოლარი შეადგინა, რაც გასული წლის შესაბამის მაჩვენებელზე 9.3%-ით ნაკლებია.
საქსტატის მიერ გამოქვეყნებული ინფორმაციით, მთლიან ექსპორტში ადგილობრივ ექსპორტს, 45.7%-იანი წილი უკავია. ქვეყანამ მხოლოდ ადგილობრივი წარმოების საქონლის ექსპორტით ამ პერიოდში 605 მილიონი დოლარის შემოსავალი მიიღო, რაც წლიურად 21%-ით შემცირებული მაჩვენებელია.
უმსხვილესი საექსპორტო ქვეყნების ათეულში თითქმის ყველა მიმართულებით ადგილობრივი საქონლის რეალიზების მაჩვენებელი შემცირებულია. ექსპორტის ზრდა მხოლოდ აშშ-ში, უკრაინასა და შვეიცარიაში ფიქსირდება. ამასთან, 2024 წლის იანვარ-მარტში ათი უმსხვილესი ქვეყნის წილმა საქართველოს მთლიან ადგილობრივ ექსპორტში 71.8% შეადგინა. ადგილობრივი საქონლის უმსხვილესი საექსპორტო ქვეყნების ათეული ასე გამოიყურება:
რაც შეეხება ადგილობრივი სასაქონლო ჯგუფების ჩამონათვალს, ამ შემთხვევაში კლება ფეროშენადნობების, აზოტოვანი სასუქების, დაუმუშავებელი ოქროს და თხილის ჯგუფში ფიქსირდება.
წლის პირველ კვარტალში ადგილობრივი ექსპორტის ათეულში პირველ ადგილზე ყურძნის ნატურალური ღვინოები იყო, აღნიშნული სასაქონლო ჯგუფის წილი მთლიანი ადგილობრივი ექსპორტის 13.7%-ს შეადგენს. ადგილობრივად წარმოებული უმსხვილესი სასაქონლო ჯგუფების ათეული კი ასეთია: